Monday, April 16, 2007

شكرا جزاكم الله خير الجزاء

السلام عليكم
أقل هدية نقدر نقدمها فى مدونتنا
لكل مدون مصرى شاركنا احزاننا
و دعا لضحايا الاتوبيس او ساهم معانا بتنفيذ الحملة
وردة رقيقة زى قلوبكم الرقيقة المليئة بالاحاسيس المرهفة
======
شكرا لمدونى بورسعيد الذين ساهموا فى الحملة
و ربنا يجعلها اخر الاحزان
و دايما متجمعين فى الخير
و جعله الله فى ميزان حسناتكم
و جزاكم الله خيرا
و إنا لله و إنا إليه راجعون
***

Sunday, April 15, 2007

خليك معانا


قرر مدونى بورسعيد و بالتعاون مع طلاب كلية تربية نوعية
صوم يوم الاتنين 16 أبريل
و توحيد الدعاء للمصابين بالشفاء و للمتوفين بالرحمة و المغفرة
و لاسرهم بالصبر و الثبات عند المصائب
======
نرجو تعميم الفكرة
جزاكم الله خير

Tuesday, April 10, 2007

إلى الاخوة مدونى القاهرة

السلام عليكم
الاخوة الاعزاء مدونى القاهرة
نرجو منكم المساهمة معنا في دعم ضحايا الحادث الاليم
بزياره المصابين في معهد ناصر بالقاهره وتقديم لهم الدعم النفس
ولكم الثواب ان شاء الله
=====
شكرا للمدون البورسعيدى زحل الفلكى (سوبر نوفا ) صاحب تلك الدعوة
و نتمنى ان تلقى القبول
و جزاكم الله خيرا

برنامج الحملة الاربعاء و الخميس

الاخوة الاحباء
زورا مدونتنا السلام عليكم و رحمة الله
كنا امبارح اتكلمنا عن فكرة حملة التضامن و المساعدة
مع اسر الضحايا و المصابين و طلاب كلية تربية نوعية
ببورسعيد
=======
نشكر كل المدونين على تعاونهم الممتاز
و ايمانهم باننا جميعا ممكن نقوم بدور ايجابى تجاه
اخواتنا المصابين و اهالينا اسر الضحايا
و بالفعل حماسكم الشديد
و اللى مش غريب عليكم و حبكم للتجمع دائما على الخير
وصلنا للافكار اللى هتعرض الآن
و طبعا اللى اخدت موافقة اغلبية المدونين
اللى عرفنا ناخد رأيهم نظرا لضيق الوقت
=======
يوم الاربعاء 11 أبريل
------
تم الاتفاق على
تجمع المدونين امام ابواب مستشفى آل سليمان
فى تمام الساعة الثامنة مساءا
غدا
و ذلك للوقف على ما يمكن ان نقدمه للمصابين
و معرفة فصائل الدم المطلوبة
و تقديم دعم معنوى لاسر المصابين
========
يوم الخميس 12 أبريل
------
تم الاتفاق بين مدونى بورسعيد على صوم يوم
الخميس 12 ابريل
و توحيد الدعاء قبل تناول وجبة الافطار
للمتوفين بالرحمة و المغفرة
و للمصابين بالشفاء و الرحمة
=====
و نشكركم على التعاون الصادق
و جعله الله فى ميزان حسناتكم
******
اتفاق الخميس للتعميم على بورسعيد
رجاء من الاخوة الالتزام بموعد الاربعاء فى تمام الثامنة امام المستشفى

Monday, April 9, 2007

البقاء لله

مش لاقيين كلام نقوله من شدة الحزن
لا إله إلا الله
و إنا لله و إنا إليه راجعون
المدونة دى كانت معمولة فى الاساس علشان مدونين بورسعيد
يدخلوا هنا و يعبروا عن حبهم للبلدهم و يكتبوا كلام فى عشق ترابها
كنا بنجهز البلوج لده
بس اللى حصل خلانا لازم نتكلم
لازم كمدونين البلد دى
نقف ايدينا فى ايد بعض فى محن بلدنا
و ولاد بلدنا
اللى حصل كان صعب اوى
كان قاسى اوى
=======
الحادثة
الاتوبيس358البحر الاحمر
تابع لشركة " انتر جولف للسياحة
كان فى طريق عودته بشباب بورسعيد
لحضن بلدهم بورسعيد
لكن القدر و امر الله طبعا
و رعونة و استهتار بارواح ابرياء
منعهم من الحصول على اخر امانيهم فى الحياة الدنيا
بس ان شاء الله هيحققوا كل امانيهم فى الحياة الاخرة
لما كان كل حلمهم فى اللحظات دى
انهم يلاقوا اهاليهم فى انتظارهم فور دخولهم بورسعيد
وجدوا فعلا اهالي بورسعيد كلهم ينتظروهم
ليودعوهم لمثواهم الاخير
نعم اهالى بورسعيد اهاليكم
كلها تبكيكم
و ناخد العزاء فيكم
و ننتظر الصبر عن مصيبتنا
وداعا اخواتنا فى بورسعيد
اهالينا اسر الشهداء
فقد مات ابنائكم شهداء
و لكن الآن لكم آلاف الابناء
فهل تقبلوننا ابناء لكم
نعلم اننا مهما قلنا لم نستطيع ان ننسيكم آلامكم و آلامنا
و حزنكم و احزاننا على فراق احبابكم و احبابنا
و اصدقائكم و اصدقائنا
و لكننا نعلم ان الايمان بالله عامر فى قلوبكم
فلنصبر و لنحتسب
======
اخوانى مدونى بورسعيد فى مدونتنا
نعلن مبادرة مدونى بورسعيد
للتضامن مع اسر الضحايا و المصابين و طلاب كلية تربية نوعية
فى مصابهم و مصابنا الأليم
قررنا نحن مدونى بورسعيد أن
يكون لنا دور ايجابيا فى هذه المأساة
اكيد فى حاجات محتاجنها للمصابين
اكيد عايزين دم
اكيد زمايلهم محتاجين دعم معنوى
لازم نكون اقرب من الحدث علشان نعرف اكتر
ممكن نعمل ايه
الاول احنا هنسأل على موضوع حاجة المصابين للدم دى
هننزل الكلية للطلبة و نحاول نكون جنبهم
ساعدونا بالمعلومات
اللى ممكن من خلالها نساعد و لو بحاجة بسيطة
احنا هنستقبل أى اقتراحات من اى مودن فى مصر كلها
او فى أى حتى فى العالم
من اى انسان عايز يكون معانا فى العمل ده
فكر معانا
دى اقتراحات اللى اتعرضت دى
و متروكة للنقاش
======
ينعى مدونى بورسعيد
اخوانهم من أبناء بورسعيد الذين
راحوا ضحايا لحادث أليم
و يدعون الله لهم بالرحمة و المغفرة
و لاسرهم الصبر و السلوان
و نعلن الحداد فى مدوناتنا لمدة أسبوع
و إنا لله و إنا إليه راجعون
======
للتواصل معانا بالافكار
عن طريق الكومنتات فى البلوج
او الايميل
ولمتابعة تفاصيل الحادث
زورا موقع